Oh! San Crescentin t’avem pres da Tiferne
mille an fa ch’era d’inverne
perché eri famos per chel dragon
ch’avevi masat sa’l tu spadon
no t’avem dat un bel dom
e t’avem fat d’Urbin patron
el prim de giugn è la tu festa
e la cità è tutta mesta
te c’è protet da pest e guerre
in cità e tle nostre terre.
Mo ades te preghem San Crescentin
arsalva ancora ma no’ d’Urbin.
Te se’l nostre protetor
dà na mana ma i dotor
ce gira intorne un mez draghin
che manch en se ved da quant è pcin
mo ce fa un sac de dan
perché ce chiappa per afan
è peg dla peste del Trecent
e anche de quella del Seicent.
Almen quelle colpiven na sol cità
mentre questa salta de qua e de dla
e tra un salt e un giratond
ha stes a terra tut el mond.
Sta a senti San Crescentin
arsalva ancora ma no d’Urbin
da tre mesi dalle nostre cas
en metem fora manch el nas
da tre mes en s’apre na porta
e la città par mezza morta
vie e pias en na desolasion
perché en se veden le person
e di’ ch’era l’an de Rafael
el nostre artista del gran pnel
e s’aspetava tanta gent
da tutti cinque i continent.
Sta a senti’ San Crescentin
fac contenti un cuncinin
vien fora dal tu Dom
prend in man el tu spadon
mena fort quattre fendent
da rompa tut i dent
ma chel virus del diavle
cercle in piassa sotta i tavle
dai la caccia per le scalet
mandle via da sotta i tet
taile tut a cuncinin
com se fa sa’l spesatin
buttle gio’ dai torion
per i grep a rotulon
fal stane’ dai nascondin
per cacial via d’Urbin.
Confidam in te San Crescentin
sta a senti’ ancora un cuncin
tanti urbinati en s’en più visti
en sparitti anch i turisti
en fugitti tut i student
e in cità en c’è più gnent.
San Crescentin fa arni’ un Rinasciment
dai, fam un po’ content
arporta gent sensa cuffie ma la bocca
sensa ste atent che qualcun ce tocca
e sensa tutte ste distans
che ormai c’n’avem d”avans
arporta in tutti l’armonia
che ste virus c’ha portat via
ardac le stret de man i abrac
che sensa en potem stac
arporta i schers i basc e le cares’
ch’en ce facem pio’ da un gran bel pes.
E scusa San Crescentin
ch’ho disturbat per un bel cuncin.
Sa sta lunga filastrocca
me s’è asciugata ancha la bocca!
Alberto Calavalle 
Rispondi